أطباق ليبية

واليوم شن رايكم تدوقوا أكلاتنا بعد ما قريتوا بعض من حلوياتنا ونشالله تعملوها مش تقروها وبس
وكل واحد يعملها يقولي شن رايه فيها ...... وتوا يلى معاي على الكوجينة ( المطبخ ) وروني شطرتكم
نبدا .............يلا


كفتة الطرابلسية

المقاديرالكفتة :
نصف كيلو لحم مفروم – ربطتين بقدونس مفروم – بصلة مفرومة – 2 ثوم مفروم– ملعقة كمون مطحون – ملعقتين مطحون خبز
بيضة –ملح حسب الرغبة – كوبين دقيق .

مقادير الصلصة:بصلتين مقطوحة شرائح طويلة - ملعقة زيت – ملعقة صغيرة معجون طماطم –كوب ماء –ملعقة صغيرة فلفل احمر مطحون –نصف ملعقة صغيرة قرفة –ملقتين خل احمر ملح حسب الرغبة.

الطريقة :
تعجن كل المقادير الكفتة مع بعضها ونكورها مثل الكورة الصغيرة ونضعها فى الصحن واسع فيه الدقيق وناخذ كل كورة انكورها مرة ثانية مع الدقيق ونقليها فى الزيت الساخن على نار هادئة .
اما طريقة الصلصة ناخذ البصل ونحمره فى الزيت حتى تذبل ثم نضع الطماطم المعجون والماء والفلفل و القرفة مع بعض حتى تطبخ الصلصة ثم نطفئ النار و نتركها تبرد قليللا ونضع الخل .نرتب الكفتة فى صحن ونضع فوقها الصلصة


رولات الدجاج ليبية

شرائح كبيرة دجاج او ديك رومى متبلة بالثوم والفلفل الاسود والحشوة مليحة \\
دحى ( بيض ) مطبوخ شرائح ومعدنوس مقطع وجبنة مبشورة ومكعبات صغيرة جزر مطبوخ و بازلياء مطبوخة \\
اطرحى شريحة من الدجاج على شرط تكون كبيرة باش تقدرى تلفيها وحطى شرائح الدحى( البيض ) وحبات البازلياء اربعة او خمسة بالعد يا اقتصاديين هههه المهم واعواد جزر ولفى الشريحة ولفيها فى ورق السيلفر الفضى عارفينه طبعا و ابرميه من الجوانب كويس ولين تكملى الشرائح كلهم حطيهم فى طنجرة مية ( ماء ) مغلية لمدة ربع ساعة وبعدين طلعيها لين تبرد وغطسيها فى البقسماط والدحي ( البيض) واقليها بزيت
اتجنن اتجنن جربوها واللى يحب الحار ممكن ايحط فلفل اخضر مفروم معاها


فلفل محشى بتن



فلفل الاخضر الحار الطويل ) يستحسن نزع المنقار السفلي ونزع البدور بحذر وينقع في ماء وملح لفترة حتى ننزع الحرارة منه لانكم مش متعودين على الاكل الحار مثلنا أهل المغرب العربي
مقادير
فلفل حار الكبير الطويل - تن - كزبرمفروم - بصل مفروم - هريسة - فلفل اسود وملح حسب الرغبة

الطريقة
انخلط كل شئ ونحشي فى الفلفل ونغطيهم بلبيض والخبزة المرحية ( الناعم ) وبعدين نقليهم 3دقائق على كل جهة وبعدين انحوط فوقهم صلصة ونحوطه فى الفرن وصحتين وعافية
صلصة
زيت وقرفة وملعقة صغيرة طماطم حوكة وملح ونحوطهم فوق النار حتى ايطيب


خبزة الكرشة سميت لانها حرشة

نصف كيلو دقيق + ملح + ملعقة صغيرة فلفل أسود + ملعقة كبيرة بيكنبودر تعجن بالحليب تعجن جيدا ثم تطرح تقص بالكوب دوائر وتضع الحشو ( تن + هريسة ( صلصة الفلفل الاحمر الحار )+ زيتون ) أو (هريسة + جبنة + زيتون ) وتتنى نصف الدائرة وتغلق بضغط بالشوكة حت تلصق العجينة ببعضها وتضع في بيض مخفوق تم في خبز الناعم ثم تقلى في زيت سهلة وحلوة وخفيفة يمكن قصها بألة الحجيبات .متل السمبوسة


طاجين مسقي في الفرن



أرز مغسول ويضع في طاجين
ناخد طنجرة ونضع زيت + بصل + لحم مكعبات + فلفل أحمر +بزار+ملح+معجون طماطم +(طبيخة ) تغلي شوية ونضع لفت + جزر + بطاطا + قرع + بدنجان كلهم مكعبات يتركو نص طياب وتسقى الارز بها ويضع في الفرن ونشوفه بعد فترة لويحتاج لمزيد من المرقة أضيف له من أعلى حتى ينضج
تاكلو بالهني

ونشالله تكونوا فهمتوا عليا